Evropa Chempionlar ligasining 1/8 finalidan o'rin olgan “Real” hamda “Roma” klublari o'rtasidagi javob uchrashuvi o'z nihoyasiga etdi. Unda 2:0 hisobi qayd etilib, madridliklarning g'alabasi bilan yakunlandi. Dastlabki bo'limda, har ikki jamoada ham vaziyatlar bo'lganiga qaramay, tanaffusga qadar hisob ochilmadi. Ikkinchi bo'limning 64-daqiqasiga kelib esa Krishtianu Ronaldu nihoyat hisobni ochishga muvaffaq bo'ldi – 1:0. Oradan 4 daqiqa o'tar-o'tmas Xames Rodriges Shchensni darvozasiga ikkinchi golni ham kiritdi. Final hushtgagiga qadar mazkur natija saqlanib qoldi. Shu tariqa, “Real“ javob uchrashuvida ham ikkita to'p farqi bilan g'alaba qozonib, qiyinchiliksiz keyingi bosqichga yo'l oldi. Evropa Chempionlar ligasi, 1/8 final Real Madrid Ispaniya – Roma Italiya 2:0 (0:0, 2:0)
Gollar: 1:0 – 64 Ronaldu, 2:0 – 68 Xames.
Real Madrid – Navas, Danilo, Pepe, Ramos, Marselo, Kroos, Modrich (Xese, 76), Kazemiro (Kovachich, 84), Xames, Ronaldu, Beyl (Vaskes, 61).
Roma – Shchensni, Florentsi, Manolas, Zukanovich, Din, Pyanich (Venker, 46), Keyta (Maykon, 86), Salah, Perotti, El-Shaaravi (Totti, 74), Jeko.
Ogohlantirishlar: Danilo (37), Zukanovich (76).
Dastlabki uchrashuv – 2:0.
— deya xabar beradi uff.uz nashri.