Poytaxtimizdagi "Chig'atoy" terma jamoalar o'quv-yig'in markazida 2005 yilda tug'ilgan bolalar o'rtasi O'zbekistonda xizmat ko'rsatgan sport ustasi Laziz Maqsudov xotirasiga bag'ishlangan katta musobaqa bo'lib o'tdi.
Unda "Paxtakor", "Bunyodkor", "Lokomotiv", "Spartak", BO'SM-16, "Spartak-2" klublarining tarbiyalanuvchilari kurush olib borishdi. Qiziqarli kechgan o'yinlarda "Spartak" tarbiyalanuvchilari 12 ochko to'plab 1-o'rinni qo'lga kiritishdi.
Ikkinchi o'rin "Lokomotiv" tarbiyalanuvchilariga nasib etdi. "Paxtakor" 3-ringa munosib ko'rildi.
Yaxshi bilasiz, Jamol Rahmatullaev qo'lostidagi "Spartak" (2005 yilda tug'ilgan futbolchilar) jamoasi Qozog'iston, Rossiya davlatlarida o'tkazilgan xalqaro musobaqalarda ham sovrindor bo'lib kelishgan. Mana shu avlod vakillarda kelajakka umid qilsa bo'ladigan futbolchtilar etishib chiqmoqda.
Umid qilamiz, klub bazasida yo'lga qo'yilgan to'g'ri ishlar boshqaruv kelajakda o'z mevasini beradi.
— deya xabar beradi uff.uz nashri.