Dortmundning “Borussiya” klubi ijrochi direktori Xans-Yoaxim Vattske yarim himoyachi Ilkay Gyundogan bilan bog'liq vaziyatga izoh berib o'tdi. “Ilkay yozda bizni tark etadi-mi, yoki yo'q-mi bilmayman. U biz uchun juda muhim o'yinchi. Ammo, Dortmundning “Borussiya” klubi futbolchisi bo'lish o'zgacha. Biz Evropaning eng yaxshi klublarining o'ntaligiga kiramiz va boshqa erga ketish bu tavakkal. Biz unga uzoq muddatlik shartnoma taklif qilmoqchimiz. Ko'ramiz, nima bo'larkin. Biz bu borada ortiqcha xavotirlanmayapmiz”, – deydi Vattske. Eslatib o'tamiz, Gyundoganning amaldagi bitimi 2017 yilning yozida o'z nihoyasiga etadi.
— deya xabar beradi uff.uz nashri.