Rossiyaning «Zenit» klubi Chempionlar ligasi 1/8 finali doirasida «Benfika»ni qabul qildi va mag'lubiyatga uchradi.
Uchrashuvda hisob Xalk tomonidan ochilgan va 85-daqiqaga qadar «Zenit»da kurashni davom ettirish uchun imkoniyat saqlanib turgan bo'lsada, o'yinning so'nggi daqiqalarida Gaytan va Taliska tomonidan kiritilgan gollar «Benfika»ga 2:1 hisobida g'alaba keltirdi.
Eslatib o'tamiz, ushbu jamoalar o'rtasida kechgan dastlabki bahsda ham portugaliyaliklar 1:0 hisobida ustun kelishgan.
EChL, 1/8 final
Zenit Rossiya – Benfika Portugaliya 1:2 (0:0, 1:2)
Gollar: 1:0 – 69 Xalk, 1:1 – 85 Gaytan, 1:2 – 90 Taliska.
Zenit – Lodigin, Anyukov (Smolnikov, 58), Netu, Lomberts, Jirkov, Maurisio (Yusupov, 82), Vittsel, Kokorin (Shatov, 58), Danni, Xalk, Dzyuba.
Benfika – Ederson, Nelson Semedu, Samaris, Elizeu, Lindelef, Pitstsi (Salvio, 73), Feysa, Sanshesh, Gaytan, Mitroglu (Ximenes, 67), Jonas (Taliska, 90).
Ogohlantirishlar: Mitroglu (36), Pitstsi (49), Xalk (90).
Birinchi o'yin: 0:1
— deya xabar beradi uff.uz nashri.