Mana 2016 yilgi O'zbekiston chempionatiga ham start berildi. Barcha klublar o'z saflarini yangi futbolchilar bilan to'ldirishdi. Bu mavsum klub matbuot xizmatlarining samarali mehnatlari evaziga qaysi jamoaga, qaysi futbolchi kelib qo'shilgani haqida ko'plab ma'lumotlar berib borildi. Bu albatta yaxshi. Biroq futbolchilarning transfer narxlari haliyam sirligicha qolib ketmoqda. Biz transfermarkt.de saytidagi ma'lumotlarga asoslangan holda O'zbekiston klublarining eng qimmat transferlari TOP-10 ligini tuzib chiqdik.  
10. Devid Karney – 60 ming evro
Devid 2012 yilning 1 fevral kuni Ispaniyaning „Alkoran“ jamoasidan Toshkentning „Bunyodkor“ klubiga o'tdi. „Qaldirg'ochlar“ Avstraliyalik futbolchi uchun 60 ming evro to'lashgan. E'tiborli jihati o'sha payti Devidning narxi 800 ming evroga teng bo'lgan.
9. Peter Vyorosh – 75 ming evro
Vyorosh 2009 yilning 1 avgustidan boshlab faoliyatini rasman “Lokomotiv”da davom ettirdi. “Temiryo'lchilar” Vengriyalik futbolchi uchun Vengriya birinchi ligasi jamoasiga 75 ming evro mablag' ajratishgan. Peterning Toshkentdagi sarguzashtlari atigi 6 oyga cho'zilgan.
8. Slovalyub Djordjevich – 91 ming evro
Slovalyub 2011 yilning 1 fevral sanasidan rasman “Bunyodkor” futbolchisiga aylangan. Toshekentliklar Serbiyaning “Roter” jamoasiga futbolchi uchun 91 ming evro to'lashgan. Djordjevich 2013 yili klubni tark etdi.
7. Aleksandr Shadrin – 100 ming evro
Marhum futbolchi Shadrinni Toshkentnning “Lokomotiv” jamoasi Muborakning “Mash'al” klubidan 100 ming evroga xarid qilgan. Sasha Yaponiyada kechgan tarixiy uchrashuvda terma jamoamizga g'alaba keltiruvchi yagona golni urganini eslatib o'tish lozim.
Davomi Furqat Yusupov blogida.
— deya xabar beradi uff.uz nashri.