“Arsenal” jamoasi yarim himoyachisi Aaron Remsi “Xall Siti”ga qarshi Angliya Kubogi nimchorak finalida jarohat oldi. Bu haqda The Telegraph xabar bermoqda. Tibbiy tekshiruvlardan so'ng uning soni jarohatlanganligi ma'lum bo'ldi. Uelslik futbolchining tiklanishiga 6 hafta zarur bo'ladi. Shuningdek, “Xall Siti”ga qarshi kechgan o'yinda “to'pchilar”dan Per Mertesaker va Gabriel Paulista engil jarohat olgan.   Eslatib o'tamiz, “Arsenal” jamoasi 13 mart kuni Angliya Kubogi chorak finali doirasida “Uotford”ga qarshi bahs olib boradi. O'yin “Emireyts” stadionida bo'lib o'tadi. 
— deya xabar beradi uff.uz nashri.