Ayni damda futbolimiz jamoatchiligi e'tibori O'zbekiston kubogi final bahsiga qaratilgani sir emas.
Jizzax shahridagi ko'rkam “So'g'diyona” stadionida “Nasaf” va “Bunyodkor” jamoalari o'rtasida mamlakat kubogi final uchrashuvi bo'lib o'tadi. “Qaldirg'ochlar” rahbari Baxtiyor Boboev SPORTS.uz internet-portali muxbiriga ushbu muhim o'yindan nimalar kutayotgani va “Bunyodkor”ning finalga tayyorgarligi haqida gapirib berdi.
- Baxtiyor aka, “Bunyodkor”ning bugungi holati haqida nima deya olasiz?
- Xabaringiz bor, klubimizni rivojlantirish strategiyasiga asosan jamoamiz tarkibi sezilarli yoshartirildi. Mamlakat chempionati va kubogi, Osiyo chempionlar ligasi uchrashuvlarida to'plangan tajriba yoshlarimizning terma jamoalar safida ishonchli o'yin namoyish etishiga zamin hozirladi. O'rinbosarlar tarkibimiz yoshlar ligasida peshqadamlik qilmoqda. Tez orada o'z maktabimizda kamol topgan yosh iste'dodlar asosiy tarkibda ko'pchilikni tashkil etishiga ishonamiz. Bugungi kunda avlodlar almashinuvi jarayoni davom etmoqda.
Bunday paytda barcha uchrashuvlarda yuksak saviyadagi o'yin ko'rsata oladigan jamoani birdaniga shakllantirish mushkul. Buning uchun vaqt zarur. Har qanday vaziyatda ham “Bunyodkor” oldidagi vazifalar o'zgarmaydi – biz doimo eng yuksak marralarni egallashga harakat qilamiz.
Davomi Sports.Uz blogida.
— deya xabar beradi uff.uz nashri.