"Chelsi" klubi yarim himoyachisi Eden Azar EChL 1/8 finalidan o'rin olgan "PSJ"ga qarshi o'yinda jarohatini yangilab oldi. Bu haqida jamoa bosh murabbiyi Gus Xiddink xabar berib o'tdi. "Eden Azarning eski jarohati qo'zg'ab qoldi. Endilikda u to'liq tibbiy tekshiruvdan o'tishi kerak. Umid qilamanki, Azar tez orada safimizga qaytadi. Sababi ikki kundan keyin bizni Premer ligada muhim uchrashuv kutib turibdi", - deydi Gus Xiddink. Eslatib o'tamiz, "Chelsi" "PSJ"ga qarshi o'yinda 1:2 hisobida mag'lubiyatga uchrab, musobaqani tark etdi.
— deya xabar beradi uff.uz nashri.