"Barselona" rahbariyati tomonidan "Real"ning sobiq futbolchilariga qarshi ish ochish haqidagi talabi rad etildi. Kataloniyaliklar Neymarga qarshi gapirgan Manuel Sanchis va Pol Rinkon borasida zo'ravonlikka qarshi kurash Davlat qo'mitasiga shikoyat bilan murojaat qilgan edilar.
Eslatib o'tamiz, Sanchis va Rinkon Ispaniya matbuoti uchun bergan intervyularida Ispaniya chempionati 12-turi doirasida "Real" va "Barselona" o'rtasida kechgan o'yin vaqtida Neymarning maydondan chetlatilishi haqida fikr bildirganlar. Ularning fikriga ko'ra Neymar Iskoga nisbatan provokatsiya ishlatgan va uni qo'pollik qilishga majbur qilgan. Oqibatda Isko qizil kartochka olib, maydondan chetlatilgan edi.
Rinkon bu borada fikr bildirarkan, Iskoning o'rnida bo'lganida o'zi ham qo'pollik ishlatishini tan olgan. Bu gapdan so'ng "Barselona" shikoyat bilan murojaat qilgan va Sanchis hamda Rinkonga qarshi ish ochishni so'ragan edi. Ammo bu shikoyat rad etildi.
Eslatib o'tamiz, klasiko bahsida "Barselona" "Real"ni 4:0 hisobida mag'lubiyatga uchratgan.
— deya xabar beradi uff.uz nashri.