"Barselona" klubi sobiq prezidenti Joan Gaspar "Real" rahbari Florentino Peres oson taslim bo'lmasligini aytib o'tdi. Eslatib o'tamiz, biroz vaqt muqaddam Peres jamoa muvaffaqiyatsizliklari sabab mavsum oxirida iste'foga chiqishi haqida aytilgan edi.
"Peres sport borasida qabul qiladigan qarorlar menga umuman yoqmaydi. U Luish Figu bilan bog'liq masalada meni juda noqulay ahvolga solib qo'ygan edi.
Ammo Peres juda yaxshi, aqlli va ko'p narsa qo'lidan keladigan inson. U bilan bo'lganda har doim xushyor turish kerak. U bu qadar oson taslim bo'ladi, deb o'ylamayman.
"Real" hali Chempionlar ligasida g'olib chiqishi mumkin. Ispaniya chempionatiga keladigan bo'lsak, bu musobaqada g'alaba qozonish qiyin, ammo imkonsiz emas", - deydi Gaspar.
Eslatib o'tamiz, Luish Figu 2000 yildan to 2005 yilga qadar "Real" sharafini himoya qilgan edi. Bunga qadar esa "Barselona"da o'ynagan va uning madridliklar safiga o'tgani juda og'riqli qabul qilingandi.
— deya xabar beradi uff.uz nashri.