O'tgan mavsumda Navoiyning «Qizilqum» klubi sharafini himoya qilgan tajribali hujumchi Alisher Xoliqov Samarqandning «Dinamo» tarkibiga kelib qo'shilgan.
Klub rasmiy Tvitterining xabariga ko'ra, 2010 yilgi Oliy Liganing eng yaxshi to'purari jamoa mashg'ulotlarida ishtirok etmoqda.
Joriy mavsumdayoq Oliy Ligaga qaytishni maqsad qilgan «Dinamo» klubi hozirda yana bir qator futbolchilar bilan muzokara o'tkazmoqda. Jamoa yig'inida bo'lgan yana bir futbolchi Farrux Haydarov ham «Dinamo»ga Navoiyning «Qizilqum» klubidan kelib qo'shildi. Shuningdek, «Dinamo» safida 2013-2014 yillarda to'p surgan Azamat Bobojonov ham yana sobiq klubi safiga qaytdi.
Uchqun Qobilov qo'l ostida o'tayotgan o'quv-mashg'ulot yig'inida mahalliy futbolchilar bilan bir qatorda yangi futbolchilar tayyorgarlikka zo'r berishgan. Jumladan, jamoa tarkibida mahalliy futbolchilardan Akmal Bozorov, Komil Sharofutdinov, Jasur Azimov, Firdavs Abdusalimov, Islom Sharipov, Bunyod Isroilov, Omad Tayloqov, Mirkomil Lokaev, Rustam Toshturdiev, Jonibek Ko'chimov va yana bir qator yosh futbolchilarni ko'rish mumkin.
— deya xabar beradi uff.uz nashri.