FIFAning sobiq prezidenti Zepp Blatter bugun 80 yoshga to'ldi.
Blatterning ma'lumotligi huquqshunos bo'lib, u 1964 yilda Shveytsariya xokkey federatsiyasi bosh kotibi lavozimiga tayinlangan edi. Shuningdek soat ishlab chiqaradigan mashhur Longines kompaniyasi bosh menejeri sifatida faoliyat olib borgan. Ushbu kompaniya xodimi bo'la turib Myunxenda 1972 yilda o'tkazilgan Olimpiada tashkilotchilaridan bo'lgan.
1975 yilda Blatter FIFA texnik direktori lavozimini egallagan. 1982 yildan boshlab esa FIFA bosh kotibi lavozimiga tayinlangan. 1998 yilda FIFA prezidentligiga saylangan edi. U Joao Avelanjning o'rnini egallagan va 2016 yilga qadar FIFAni boshqargan.
Eslatib o'tamiz, 2015 yilning dekabr oyida Blatter 8 yil muddatga futbolda har qanday faoliyat yuritishdan chetlatilgan edi. Keyinchalik bu muddat 6 yilga qisqartirildi.
— deya xabar beradi uff.uz nashri.