“Everton” klubi bosh murabbiyi Roberto Martinesning aytishicha, u klubdagi kelajagidan havotir olmaydi. “Murabbiy havotir olishi mumkin emas. Agar u o'zi to'g'risida ko'p o'ylaydigan bo'lsa, u yaxshi murabbiy emas. U o'zining 23-24 o'yinchisi haqida o'ylashi kerak, ular futboldan zavq olishlariga harakat qilishi kerak. Agar men APLda yangi odam bo'lganimda havotir olishim mumkin edi. Ammo men juda omadliman – o'n yildan beri murabbiylik qilaman, shundan etti yili APLda. Men turli tajriba, turli bosimlardan kelib chiqib gapirayapman: Angliya kubogi uchun, omon qolish uchun, top 4likka kirish uchun kurash– bularning hammasi menda bo'lgan”, –dedi Martines. “Everton” APLda 28 turdan so'ng 38 ochko to'plagan xolda 12-o'rinda bormoqda.
— deya xabar beradi uff.uz nashri.