Frantsiya sudi Madridning “Real” jamoasi hujumchisi Karim Benzemadan terma jamoa safida to'p surish taqiqini olib tashladi. Bu haqda AS xabar bermoqda. Ma'lumotlarga ko'ra, Frantsiya apellyatsion sudi Matyo Valbuenaga nisbatan tovlamachilik ishi bo'yicha Benzemaga qo'yilgan nazoratni qisman olib tashlagan. “Adolat qaror topdi. Birinchi bosqichdan ham o'tib olishga muvaffaq bo'ldik. Benzemaning aybsizligini isbotlash uchun to'g'ri yo'ldan ketyapmiz”, — deydi frantsiyalik hujumchining advokati. Ta'kidlash kerakki, Karim Benzemadan barcha ayblovlar olib tashlanmagan. Oldinroq, Frantsiya sudi Karim Benzemaga terma jamoadagi sherigi Matyo Valbuena bilan muloqot qilishga ruxsat bergandi. 
— deya xabar beradi uff.uz nashri.