«Barselona» klubi himoyachisi Xaver Maskerano jamoa bosh murabbiyi Luis Enrikening sha'niga iliq fikrlar bildirdi. Argentinalik futbolchining fikricha, jamoa muvaffaqiyatlarida murabbiyning hissasi katta.
«Jamoa shakllanishida Luis Enrikening xizmatlarini tan olmaslik xato bo'lur edi. «Barselona» — 11 shaxsiyat emas, bu murabbiy zarur bo'lgan bir blok. Jamoa shakllanishi uchun g'oya kerak. Muvaffaqiyatga erishish uchun esa murabbiy o'z g'oyalariga shogirdlarini ishontira olishi lozim.
Luis Enrikening xizmatlari yaxshi yoki yomon o'yinlar bilan chegaralanmaydi. Uning qo'l ostida jamoa o'sishga erishdi. Agar kerak bo'lsa, o'yinni nazorat qilishdan qarshi hujumga o'ta olamiz», — Maskeranoning so'zlaridan iqtibos keltirmoqda, Mundo Deportivo.
Luis Enrike «Barselona»ni oldingi mavsum boshida qabul qilib olgan edi. Uning qo'l ostida jamoa  Ispaniya chempionati va kubogi, Chempionlar ligasi, UEFA superkubogi va klublar o'rtasidagi jahon chempionatida g'alaba qozongan.
— deya xabar beradi uff.uz nashri.