“Bunyodkor” jamoasi bosh murabbiyi Sergey Lushchan “So'g'diyona”ga qarshi (1:0) Oliy Liga 2-turidan so'ng o'yin haqiqa o'z fikrlari bilan o'rtoqlashdi. “Juda og'ir o'yin o'tkazdik. So'nggi paytlarda “So'g'diyona” bizga qarshi shunday o'yin ko'rsatishyaptiki, ular erkin o'ynashimizga imkon berishmayapti. Umuman raqib bizni yaxshi o'rganayotganligi ko'rinib turibdi. Bugun ham shunday bo'ldi. “So'g'diyona” bu mavsum yanada kuchaygan. Ular hali ko'pchilikka bosh og'riq bo'ladilar. Bugungi g'alaba osonlikcha qo'lga kiritilgani yo'q. Bugungi sharoitdan kelib chiqib, o'yindan ham natijadan ham ko'nglim to'ldi. Bir qator etakchilarimizni zaxirada qoldirgandim. 16 mart kuni “Zob-Ahan”ga qarshi boshqacharoq tarkibni maydonga tushiramiz. Ushbu muhim bahs oldidan yigitlarning kayfiyati g'alaba bilan yanada yaxshilanganligidan xursandman”, - deydi Sergey Ivanovich.
— deya xabar beradi uff.uz nashri.