Oliy Liga 2-turida “So'g'diyona” jamoasi o'z maydonida “Bunyodkor” futbolchilarini qabul qildi. “Qaldirg'ochlar”ning 1:0 hisobidagi g'alabasi bilan yakunlangan o'yindan so'ng jizzaxliklar ustozi Davron Fayziev o'z fikrlarini bildirib o'tdi. “Teng kurash ostida kechgan bahsda alamli tarzda mag'lub bo'ldik. Bugun Jizzaxda yangi mavsumning ilk uchrashuvi edi. Stadion muxlislar bilan liq to'lishini oldindan bilardik. Shu boisdan ham g'alaba haqida o'yladik va shunga yarasha tayyorgarlik ko'rgandik. Afsuski, alamli mag'lubiyatni qabul qilib oldik. So'nggi daqiqalargacha kurashni to'xtatmadik. Omad ham bizga etishmadi. “Bunyodkor” ancha kuchli futbolchilardan tashkil topgan va shakllangan jamoa hisoblanadi. Ularga munosib qarshilik ko'rsatdik, deb o'ylayman. Mag'lubiyat uchun muxlislardan uzr so'rayman. Keyingi o'yinlarda g'alaba qozonishga harakat qilamiz, - deydi Davron Orifovich.
— deya xabar beradi uff.uz nashri.