"Mash'al" - "Metallurg" uchrashuvidan keyin bo'lib o'tgan matbuot anjumanida maydon egalari bosh murabbiyi Aleksandr Xomyakov qatnashdi.
"Muxlislarimizdan o'z maydonimizdagi mag'lubiyat uchun uzr so'rayman. Afsuski, mavsum avvalidagi o'yinda ularni xursand qila olmadik. Biz ikki xil taym o'tkazdik, jamoam hozircha faqat 60 daqiqa o'ynamoqda. Barcha ayb menda. Mag'lubiyat uchun barcha aybni o'z bo'ynimga olaman.
Endi oldimizda 2 haftalik tanaffus bo'ladi. Kubok o'yinlari bo'ladi. Bu bizga foydali bo'ladi deb o'ylayman. Barchasini ko'rib chiqamiz va tahlil qilamiz. Bunday irodasiz mag'lubiyatlar bilan muxlislarimizni cho'chitmaslikka harakat qilamiz. Bizda muammolar bor, ammo hozir ularni aytsam xuddi bahonadek ko'rinadi. Ketma-ket ikkinchi bahsda ikkinchi bo'limda 3tadan gol o'tkazdik. Xatolar ustida ishlamasak bo'lmaydi", - deydi Xomyakov.
— deya xabar beradi uff.uz nashri.