«Yuventus» klubi Italiya chempionati 28-turida «Sassuolo»ni 1:0 hisobida mag'lubiyatga uchratishga muvaffaq bo'ldi.
Shu tariqa turinliklar Italiya chempionatida gol o'tkazib yubormaslik borasida rekord o'rnatishga muvaffaq bo'ldilar va bu borada «Inter»dan o'tib ketdilar. «Yuventus» A seriyada qatorasiga o'nta o'yinda gol o'tkazmadi.
Eslatib o'tamiz, «Yuventus» darvozaboni Janluijji Buffonning golsiz seriyasi 926 daqiqaga etdi va u bu borada 1972/73  yilgi mavsumda 903 daqiqa mobaynida gol o'tkazmagan Dino Zoffdan o'zib ketdi. Ayni vaqtda faqat Sebastyan Rossi Buffondan oldinda ketmoqda. U 1993-94 yilgi mavsumda 929 daqiqa darvozasi dahlsizligini saqlab qolgan.
— deya xabar beradi uff.uz nashri.