Madridning «Real» klubi sobiq bosh murabbiyi Karlo Anchelotti «Barselona» hujumchisi Lionel Messini to'xtatish uslubi haqida gapirib o'tdi.
- Messiga qarshi personal qo'riqlash uslubidan foydalanish juda qiyin. Buning uchun himoyachi behad yuqori saviyada bo'lishi lozim. Messini to'xtatishning eng yaxshi yo'li - butun jamoa bo'lib o'ynash va chiziqlar oralig'idagi masofani qisqartirish.
Maydon markazini ko'proq futbolchilar bilan to'ldirish muhim ahamiyatga ega. O'shanda «Barselona» o'yini buziladi va hujum tashkil qilishi qiyinlashadi. Bu esa Messidagi imkoniyatni ham pasaytirishi va to'p qabul qilib olishida qiyinchiliklar tug'dirishi turgan gap.
Shu bilan birga uni ko'proq qanotda o'ynashga majbur qilish kerak. Agar u markazga o'tib olsa, chap oyog'ida zarba yo'llash imkoniyatiga ega bo'ladi. Ammo bu ishlarni qilar ekansiz, boshqa muammoga duch kelasiz: «Barselona» tarkibida boshqa xavfli o'yinchilar ham bor.
Mening xulosam mana bunday: Messi jismonan 100 foiz tayyor bo'lganida uni to'xtatish imkonsiz. Va bu erda na murabbiy, na taktika va na himoya strategiyasi muhim o'rin tuta oladi, - deydi murabbiy.
— deya xabar beradi uff.uz nashri.