Leverkuzenning «Bayer» klubi himoyachisi Vendell Madridning «Real» klubi sharafini himoya qilishga tayyorligini bildirdi. Eslatib o'tamiz, madridliklar himoyachining o'yinini kuzatayotganlari haqida xabar berilgan edi.
- Har qanday futbolchi, millatidan qat'iy nazar, «Real»da o'ynashni orzu qilishi turgan gap.
Agarda menda tanlash imkoniyati bo'lganida, albatta Ispaniya chempionatini tanlagan bo'lardim. Men uchun «Real»da Marseloning o'rinbosari bo'lish ulkan sharaf. Agar «Real»ga chaqirishsa, hozirning o'zida piyoda ketishga tayyorman, - deydi Vendell.
Eslatib o'tamiz, Vendell joriy mavsum Germaniya chempionatida 23 ta o'yinda ishtirok etgan.

— deya xabar beradi uff.uz nashri.