Ertaga oliy liganing yangi vakili «Obod» jamoasi dastlabki uy uchrashuvini o'tkazadi. Jamoa poytaxtimizdagi «JAR» stadionida «Buxoro» futbolchilarini qabul kiladi. Uchrashuv soat 16:00da boshlanadi.
Rasmiy o'yin oldidan stadionda yangi mavsumning ochilishiga bag'ishlangan dastur ham bo'lib o'tadi. Soat 15:00dan boshlab O'zbekistonda xizmat ko'rsatgan artist, «Nihol» mukofoti sovrindori Ziyoda futbol muxlislarini hzining shhx va diltortar qo'shiklari bilan xushnud etadi. Shundan so'ng stadionda mavsumning ochilishiga bag'ishlangan tadbir o'tkaziladi. Uchrashuvning birinchi bo'limi tugagach «Bunyod» guruhi ijrosidagi sho'x qo'shiqlardan bahramand bo'lasiz. Qolaversa, stadionga keladigan muxlislar uchun o'ziga xos sovg'alar xam hozirlash ko'zda tutilgan.
Xullas, ertaga «JAR» stadioniga kelsangiz, ketkazgan vaktingizga aslo achinmaysiz. Kamiga «Obod» va «Buxoro» jamoalari xam muxlislarga chiroyli va tomoshabop o'yin kursatishga jiddiy bel bog'lagan.
Darvoqe, stadionga kirish bepul. Shunday ekan, 12 mart kuni soat 15:00dan «JAR» stadionida boshlanadigan ajoyib sport va san'at shousini o'tkazib yubormang.
«Obod» FK matbuot xizmati
— deya xabar beradi uff.uz nashri.