"Olmaliq" - "Nasaf" uchrashuvidan so'ng qarshiliklar bosh murabbiyi Ro'ziqul Berdiev o'z fikrlari bilan o'rtoqlashdi.
"O'tkazilgan gol vazifamizni og'irlashtirdi. Yigitlarga ko'proq to'pga egalik qilishni tayinlagandim. Ular buni uddalashdi  va g'alaba qozondik. "Olmaliq" jamoasining o'z maydonidagi ilk uchrashuvi edi, ularni bizga qarshi uchrashuvga jiddiy tayyorgarlik ko'rgani bilinib turdi. Menimcha raqibga nisbatan biz yaxshiroq o'ynadik. Taqvim juda ham zich, shu bois bir qator futbolchilarga dam berdik. Rahmatullaev va Rahmatov zaxiradan maydonga tushib g'alabaga katta xissa qo'shishdi. Bolevich hali jismonan tayyor emas, ammo bugun qo'pol xatoga yo'l qo'ygani yo'q.
"Al Jayish"ga qarshi o'yinga tayyorgarlikni Toshkentda olib boramiz va 14 mart kuni Qatarga uchib ketamiz. Raqibimiz juda jiddiy va guruhimizda peshqadamlik qilayapti. Ammo bizning maqsadimiz - navbatdagi o'yinda ham ijobiy natijani qo'lga kiritish", - deydi Ro'ziqul Berdiev.
— deya xabar beradi uff.uz nashri.