Odatda, tengqurlarning tashqi ko'rinishi ham, fiziologik holati ham bir-biriga o'xshash bo'ladi. Ammo quyidagi fotosuratlarni ko'rgach, unda aks etgan insonlarning tengdosh ekaniga ishongingiz kelmaydi.
 
Diego Kosta qahrli va hamisha norozi qiyofasi bilan eng kamida 30 yoshga o'xshaydi. Aslida u xuddi Dortmundtning “Borussiya”si o'yinchisi Nuri Shahin kabi endi 26 yoshga to'lgan. Solishtiring-a, ularni tengqur deb bo'ladimi?
.
“Qariya” Robben haqiqatan ham 40 yoshli amakiga o'xshaydi. Ko'cha-ko'yda oddiy kiyimda ko'rib qolsangiz, uni biror bir tashkilotning qorovuli deb o'ylashingiz tayin. Torresga kelsak, uni bekorga El Nino deb atashmaydi. Hatto 30 yoshida ham uning yuz qiyofasida bolalik alomatlari saqlanib qolganini ko'rish mumkin edi.
Agar Denni Uelbek kimligini bilmasangiz, ko'chada ko'rganda uni tineyjer (13–19 yoshlardagi o'spirin) deb o'ylashingiz mumkin. Vaholanki, allaqachon 24 yoshdagi navqiron erkakka aylanib bo'lgan. Hayratlanarlisi shundaki, Ngeriya milliy terma jamoassi va Kievning “Dinamo” klubi yarimhimoyachisi Luqmon Horun — uning tengdoshi. Ishonish qiyin-a?!
“Barselona”ning 1998 yilda tug'ilgan xorvatiyalik iste'dodli futbolchisi Alen Xalilovich shunchalar yosh va mas'um ko'rinadiki, uni shafqatsiz kurash kechadigan futbol maydonida tasavvur qilish mushkul. Rimning “Latsio”sida uning bir tengdoshi bor. Kamerunlik. Ismi Jozef Minalu. Rasmiy ma'lumotlarda yoshi 18 deb ko'rsatilgan Jozef ko'rinishidan Alenning tengquriga emas, balki otasiga ko'proq o'xshaydi.
Davomi Tafsilot.Uz blogida.
— deya xabar beradi uff.uz nashri.