Afg'onistonlik besh yoshli bolakay Murtazo Ahmadiy tsellofan paketdan «Barselona» hujumchisi Lionel Messining futbolkasini yasab olib, kiygani tasvirlangan surati tufayli mashhur bo'lib ketgan edi. Ammo Messi o'z muxlisi bilan uchrashmasligi ma'lum qilindi.
Biroz vaqt muqaddam argentinalik futbolchining dastxati tushirilgan futbolka Murtazoga etkazib berilgan edi. Ammo  Leo Messi Foundation fondi tomonidan ma'lum qilinishicha, Messi Ahmadiy bilan uchrashmaydi.
- Bu uchrashuv bo'lmaydi. Biz butun dunyo bo'ylab minglab bolalardan uchrashuv haqida takliflar olamiz. Ammo ularni bajara olmaymiz. Biz shunday bo'lishini istagan bo'lardik, ammo buning iloji yo'q, - deyiladi fond tomonidan qilingan bayonotda.

— deya xabar beradi uff.uz nashri.