«Manchester Yunayted»  bosh murabbiyi Lui van Gal o'z rejasi ish berayotganini ta'kidlab o'tdi. Eslatib o'tamiz, mankunianliklar Evropa ligasi chorak finali doirasida dastlabki o'yinda «Liverpul»dan 0:2 hisobida mag'lubiyatga uchragan edilar.
- Mening rejam ish bermoqda, deb o'ylayman. Garchi biz og'ir vaziyatda qolgan va har doim ham yaxshi natijaga erishmayotgan bo'lsakda, rejam ishlayapti. Biz chempion bo'lish darajasida yaxshi o'ynamayapmiz, ammo hali Evropa ligasi yoki Angliya Kubogida g'olib chiqishimiz mumkin. Yana ko'p narsalar borki, ular uchun ham kurashsa bo'ladi.
«Liverpul»ga qarshi etarli darajada yaxshi o'ynay olmaganimizni tan olaman. Ammo biz butun mavsum davomida bunday o'ynaganimiz yo'q. Biz yaxshi o'tkazgan o'yinlar ham bor.
«Midtyulland»ga qarshi kechgan dastlabki bahsdan so'ng matbuot meni iste'foga chiqarishga ulgurgan edi. Ammo biz keyingi bahsda raqibni engib, g'alabali seriya namoyish etdik. Balki «Liverpul»ga qarshi kechadigan javob o'yinida ham shunday bo'lar, - deydi van Gal.   
— deya xabar beradi uff.uz nashri.