“Penalti.uz” jamoasi bugun futboldan biroz chetga chiqgan holda taniqli futbolchining shaxsiy hayotiga sayohat qildi. Bizning nishonimizda Inesta va uning rafiqasi.
11-iyul 2010-yil. Futbol bo'yicha jahon chempionati finali. Yuz millionlab odamlar dunyoning eng kuchli ikki jamoa to'qnashuvi-Ispaniya va Gollandiya uchrashuvini kuzatmoqda. Butun dunyo ikkiga bo'lingan. Gol yo'q. G'olibni aniqlash penaltilar seriyasiga borayapdi. Hakam soatiga qaramoqda-yana besh daqiqa… To'p qaerdandir Torresga kelib tushdi. U nima qilishni biladi. Uning yonida Fabregas va Inesta. Andres yugurishni boshlaydi, Fabregas ortda qoladi. To'p Inestada. U Stekelenburg darvozasiga aniq zarba beradi. Gol! Ispaniya-chempion! Ispaniyaning barcha futbol fanatlari quvonch ko'z yoshlarini to'kishadi. Bundan tashqari yana bir kishi ham.
Anna barcha o'yinlarda qatnashadi. Har doim o'zini tutib tura olgan go'zal qiz bu safar unday qila olmaydi. Yuragi tez urayotgan qiz ko'ziga yosh oladi. Uning sevimli turmush o'rtog'i endi jahon chempioni. Sevimli insoni hozirgina yuragiga qo'lini qo'ydi, bu esa shunday paytda ham uni o'ylayotganidan darak.
Musobaqa yakuniga etgach, juftlik sayohatga otlanishdi.
Bu juftlikning sevgi qissasi musobaqadan bir yil oldin boshlangan. Andres va Anna umumiy do'stlarining bayram kechasida tanishib qolishgan. Katta uyga ko'pchilik tashrif buyurgan, ba'zi mehmonlar bir-birlarini birinchi marta ko'rishayotgan edi. Albatta, Inesta bundan mustasno. Uning bo'ydoqligi ham hech kimga sir emas edi. Anna birdaniga unga e'tibor qaratdi. Yoniga borishga unamadi. Birinchi qadamni Andres qo'ydi. “Hayotda nima ish bilan shug'ullanasiz?”,-bu Inestaning birinchi savoli edi. “Men sartaroshman, o'zingizchi?”Qizning hazilomuz javobi futbolchiga huzur bag'ishladi.
Oylar o'tib juftlik uchrashuv uchun fursat izlashdi. Bu fursat topilganda, ulardan hursand odam yo'q edi, dunyoda. Inesta qizning rad javobini berishidan qo'rqib, ko'p uchrashuvlarga chaqirmasdi. Futbolchi va sartarosh allaqachon bir-biriga oshiq bo'lib ulgurishgan edi.
Juftlik hech qachon OAVga munosabatlarini “doston” qilishmagan, lekin qayoqqa ham qochib qutilasan. Axborot etkazuvchilar, albatta aniqlashadi. Bunga asosiy sabab qizning doim “Barselona” o'yinlarini kuzatishi. Ota-onalar ham munosabatlardan xabar topishdi. Jurnalistlar to'q qachon ekanligini so'rashganida Inesta:”Ertagayoq”,-deb javob berdi. Birozdan so'ng juftlik farzand kutishayotganini aytishdi.
Davomi Penalti.uz blogida.
— deya xabar beradi uff.uz nashri.