Toshkentning “Bunyodkor” jamoasi mamlakat kubogi finali oldidan Jizzax shahridagi yangi stadionda rasmiy mashg'ulotini o'tkazdi.
Jamoamiz delegatsiyasi Jizzax shahriga bugun tushlikda etib keldi va “Diplomat” mehmonxonasiga joylashdi. Soat 17:00da esa “qaldirg'ochlar” yangi stadionda o'zlarining rasmiy mashg'ulotini boshladilar. Baxtiyor Boboev boshchiligida o'tkazilgan tayyorgarlik jarayonida Xayrulla Karimov va Jovlon Ibrohimovdan tashqari tarkibdagi barcha futbolchilar ishtirok etishdi. Jamoadagilarning kayfiyati yaxshi va jangavor holatda.
Eslatib o'tamiz, “Bunyodkor” va “Nasaf” jamoalari o'rtasidagi2015 yilgi mamlakat kubogi finali Jizzax shahridagi yangi stadionda 17 oktyabr kuni soat 17:00da boshlanadi.

— deya xabar beradi uff.uz nashri.