Madridning "Real" klubi bosh murabbiyi Rafael Benites ichki muhit yomonligi haqidagi xabarlarni inkor etdi.
"Jamoadagi ichki muhit yomonligi haqida o'ylab topilgan xabarlar har qanday muxlisning asabini buzishi turgan gap. Odamlar aslida bo'lmagan gaplarga ishonadilar.
Futbolchilar bir biri bilan juda yaxshi munosabatda. Albatta ba'zilar o'rtasidagi yaqinlik me'yoridan ortiq darajada. Ammo buni tushunsa bo'ladi. Masalan Modrich Kovachich bilan yaxshi kelishadi, Benzema esa Varan bilan. Ammo buning yomon tomoni yo'q.
Men agentlarning gaplarini nazorat qila olmayman. Jamoadagi ichki muhit esa a'lo darajada, futbolchilar juda inoq", - deydi murabbiy.
Eslatib o'tamiz, biroz vaqt oldin "Real" futbolchilari Benitesdan norozi ekani xabar qilingan edi.
— deya xabar beradi uff.uz nashri.