"Paxtakor" - "So'g'diyona" jamoalari uchrashuvidan keyin bosh murabbiylar matbuot anjumanida ishtirok etishdi.
Davron FAYZIEV ("So'g'diyona" bosh murabbiyi): - O'yin biz kutgandek og'ir va shiddatli kechdi. Jamoamiz hozir har bir o'yinda o'z kuchini ko'rsatishga harakat qilmoqda. Biz uchun gol urish juda qiyin, lekin to'p o'tkazib yuborish shunchalik oson bo'lyapti. Ayni paytda "Paxtakor"dek raqibga qarshilik ko'rsatish imkoniga ega emasmiz. Oldinda yana 5 tur mavjud va jadvalning quyi qismida kurash keskin kechishiga shubha yo'q. "So'g'diyona"ning oliy ligada o'rnini saqlab qolishga kuchi etishiga ishonaman.
Hozir pul paydo bo'lgani bilan bizda etarli saviyada to'p tepadigan ijrochilar yo'q. Futbolchilarning sadoqati yo'q deb aytish mumkin, biroq hozir oliy ligada "Paxtakor"dan boshqa jamoada sadoqatli o'yinchilar borligini ko'rdingizmi? Boshqa klublarda bunday o'yinchilar yo'q.
— deya xabar beradi uff.uz nashri.