Ayrim futbolchilar jamiyatdan ancha uzoqlashib ketgandek taassurot uyg'otadi. Bu esa o'z-o'zidan odamlarning nafratiga sabab bo'lishi mumkin. Shon-shuhrat va boylikka yo'g'rilgan umr odamni tez o'zgartiradi: ba'zida kishi qaerdan kelganiyu qanday voyaga etganini ham unutib qo'yadi. Ammo Matich haqida bunday deb bo'lmaydi. “Chelsi” yulduzi qachonlardir kichkinagina qishloqda birga yashagan do'stlarini unutmagan ajoyib yigit. U haligacha qishloqdoshlari bilan yaqin aloqada. Vaqti-vaqti bilan o'zi tug'ilib o'sgan, uni tarbiyalagan zaminga kelib, butun qishloq ahliga o'z hisobidan ziyofat berib turadi.
Serbiyaning “Blic” haftalik nashri muxbirlari bir yarim mingdan sal ko'proq aholi yashaydigan Matichnng ona qishlog'i — “Vrelo”ga kelib, odamlar bilan Nemanya haqida so'rab-surishtirishdi.
 
Mahalliy aholining hikoya qilishicha, qishloqda “Chelsi” o'yinchisi yordam berayotganlarning butun boshli ro'yxati bor. Nemanya har safar uyiga kelganda, bo'ynida qarzi bor barchaning qarzini uzib ketarkan. Aytishlaricha, bir kuni u qishloqdagi yagona do'konga kirib, sotuvchilarga “qora daftarda”gi qarzlarni hisoblatib, sotuvchilarga aytilgan pulni beribdi va hamma qarzni o'chirtiribdi. Boshqa safar esa qartada otning kallasiday pulni yutqazib qo'ygan do'stining qarzini to'lavoribdi. Qishloqliklarning aytishicha, u hamma bilan xushmuomala, do'stona munosabatda bo'larkan.
Matich o'zi tug'ilib o'sgan joy bilan juda faxrlanadi. Shu sababli odamlarga moliyaviy yordam berishdan tashqari u qishloqni saqlab qolish va rivojlantirish uchun kattagina pul sarflab keladi.
Davomi Tafsilot.Uz blogida.
— deya xabar beradi uff.uz nashri.