“Chelsi” klubi bosh murabbiyi Joze Mourino o'z lavozimini tark etishdan qo'rqmasligini aytib o'tdi. “Agar “Chelsi” klubi mavsumni jadvalning o'rtasida yakunlasayam, o'z o'rnimda qolaman. Ammo bunday bo'ladi deb o'ylamayman. Biz yuqori o'rinlar uchun kurashyapmiz. Men klubimiz xo'jayini bilan shaxsan uchrashdim. U meni qo'llab quvvatlashini bildirib o'tdi. Shunday bo'lishini bilardim. Klub direktorlar kengashi avvalroq meni chaqirib, shartnomani uzaytirishgandi. Bunday qilishmasa ham bo'lardi. Shartnomamda ko'rsatilgan muddat hali ko'p edi. Ular bu narsani menga ishonganliklaridan amalga oshirishdi. Shu sababli matbuot bo'lar bo'lmas gaplarni tarqatmasa yaxshi bo'lardi”, - deydi Mourino.
— deya xabar beradi uff.uz nashri.