Madridning «Real» klubi himoyachisi Rafael Varan UEFAning rasmiy saytiga intervyu berib, faoliyatining boshlanishi va «Qirollik klubi» ustozi Zayniddin Zidan bilan munosabatlari borasida gapirib o'tdi.
- Zidanning bosh murabbiylikni qabul qilib olishi jamoaga qanday ta'sir o'tkazdi?
- Zidan futbolni juda yaxshi ko'radi. U jamoa yorqin va tezkor futbol namoyish qilishi tarafdori. Mashg'ulotlarda bizga qo'shimcha vazifalarni yuklaydi. Unga ko'ra, raqib o'yinchilarini o'z darvozalari yaqinida to'xtatishimiz talab etiladi. Bu - uning xohishi. Shuningdek, Zidan futbol haqida gapirishni ham yoqtiradi. O'yinni tahlil qilishimiz uchun uchrashuvlarning videoyozuvlarini qo'yib beradi. Umuman olganda, futbolchilar bilan inoq. Yaqinda faoliyatini yakunlagan yosh murabbiy uchun bu odatiy hol.
U o'z nomini 1998 yilgi jahon chempionatida tarixga kiritib qo'ygan. Shu bilan birga, Frantsiya futbolining rivojiga ulkan hissasini qo'shgan. Bolaligimda uning o'yinlarini tomosha qilardim. Zidanni butun dunyoda tanishadi va yaxshi ko'rishadi. Ayniqsa, Frantsiyada.
- Futbolga qanday kirib kelgansiz?
- Avvaliga hovlida otam nazoratida akam bilan futbol o'ynardik. Otam qaysidir ma'noda murabbiyimiz bo'lgan. Agar tepamizda turmasa, kun bo'yi tanaffussiz o'ynayverardik. Ba'zida o'ynashimizga qarshilik qilsa, yig'lardik ham. Etti yoshimda «Lans» akademiyasiga qabul qilishdi. Shundan so'ng katta futbolga kirib kelganman.
Oldinlari shunchaki kayfiyat uchun o'ynardim. Keyinchalik futbol - kasbim ekanligini tushunib etdi. Menga shunday imkoniyat yaratib berishganidan xursandman. Boshqa tarafdan esa birdaniga baxtli bo'lib qolmaganman. Hozirgi holatimga etish uchun yillab mehnat qilganman.
Davomi InterFUTBOL gazetasi blogida.
— deya xabar beradi uff.uz nashri.