“Sepahon” jamoasi bosh murabbiyi Igor Stimach “Lokomotiv”ga qarshi (0:2) OChL guruh bosqichi 3-turidan so'ng o'yin haqidagi fikrlari bilan o'rtoqlashdi. “Juda og'ir o'yin o'tkazdik. Birinchi golni o'tkazib yuborganimizdan so'ng, kuchli shamol vaziyatni o'nglash uchun xalal berdi. Yomg'ir esa to'p harakatini sekinlashtirib yubordi. Biz mag'lub bo'ldik. “Lokomotiv”ni g'alaba bilan tabriklayman, lekin biz yaxshiroq o'ynagan edik. Raqib himoyadan o'yin olib bordi. Noqulay ob-havo esa ularga qo'l keldi. O'ylagan barcha rejalarimizni kuchli yomg'ir barbod qildi”, – deydi xorvatiyalik mutaxassis. 
— deya xabar beradi uff.uz nashri.