Hozirgi zamonaviy futbolda deyarli har bir klub hujumida triolar shakllanib bormoqda yoki ular allaqachon o'z ishlarining ustalariga aylanishgan. Masalan, O'zbekistonda “Bunyodkor” klubida Zabixullo O'rinboev, Eldor Shomurodov va Dostonbek Hamdamov triosi mavjud.
Osiyoda esa “Al Jaish” Evropada “Barselona” super triosi bor. Biz esa hozir mana shu jamoalarning hujumchilar uchligi haqida to'xtalib o'tmoqchimiz. Shuni aytish mumkinki, bu ajratib olingan uchliklar o'z mintaqalarining etakchilari hisoblanishadi. "Bunyodkor" O'zbekistonda, "Al Jaish" Osiyoda, "Barselona" esa dunyoda.
 
“Bunyodkor” – ShO'H
 
Barchaga ma'lumki, “Bunyodkor” klubi rahbariyati yoshlarga tayangan holda kelajakni ta'minlashni maqsad qilgan. Bu borada “qaldirg'ochlar” o'z akademiyasidagi futbolchilarning xizmatlaridan foydalanishmoqda. Jamoaning o'zagi ham ayni paytda yoshlardan iborat. Bugungi kunda 21 yoshga to'lib to'lmagan futbolchilar OChL-2016 pley-offida tajribali “Al Shabab”ni mag'lub etdi. "Qaldirg'ochlar"ning oldingi chizig'idagi uchlik o'tish bosqichidagi o'yin taqdirini hal qildi desak, adashmagan bo'ladmiz.
Umuman olganda, bu trio o'tgan mavsumda ham ajoyib o'yinlar namoyish etgandi. Bu mavsumda ham Shomurodov, O'rinboev, Xamdamovdan iborat ShO'H triosi muxlislarni xursand etishga ulgurdi. To'g'ri oxirgi paytlarda Zabixillo har doim him toshkentliklarning asosiy tarkibidan o'rin ololmayapti. Lekin u maydonga tushgan paytlarda “Bunyodkor” hujumidagi uchlik ishga tushadi. Qarshi hujumlardagi tezkor o'yinni esa gapirmasa ham bo'ladi. E'tiborga molik tomoni shundaki, “qaldirg'ochlar”ning qanot himoyasida Akramjon Komilov va Akmal Shorahmedov borligi ularning yana bir yutug'i. Chunki aksariyat qanotlardan tashkil etilgan hujumlar aynan ular tomonidan boshlanadi. Yakunda esa ShO'Hdan birortasi gol uradi yoki havfli hujum yuzaga keltiradi.
 
“Al Jaish” – RHR
 
Qatarning “Al Jaish” klubida ham ayni paytda jamoaning oldingi chizig'ida 3ta to'purar futbolchilar – Abdurazzoq Hamedallah, braziliyalik Romarino hamda hamyurtimiz Sardor Rashidov harakat qilishmoqda. E'tiborga molik tomoni ushbu uchlik “Al Jaish”ning joniga oro kirmoqda. Ular tomonidan kiritilgan aksariyat gollar klubning g'alabasini ta'minlamoqda. Lekin bu trio urayotgan gollar turnir jadvalini boshqarib borayotgan “Al Rayyan”ga etib olish uchun kamlik qilmoqda.
 
“Harbiylar” jamoasi hisoblangan Sardor Rashidov harakat qilayotgan klub bu mavsum 41 ta gol urgan. Shulardan 33 tasiga RHR triosi mualliflik qilmoqda. Hamedallah 15 ta va qolgan ikki futbolchi 9 martadan raqib darvozasini ishg'ol etishga muvaffaq bo'lishdi.
Davomi Sports.Uz blogida.
— deya xabar beradi uff.uz nashri.