Mart oyining yarmi ham ortda qoldi. Ana shu 15 kun mobaynida Evropada bir qancha rekord va antirekordlar qayd etildi. Biz ana shunday rekordlarning 8 tasi haqida to'xtalib o'tishni joiz deb topdik.
1. PSJdan rekord
Frantsiya chempionatining 30-turida “PSJ” safarda “Trua” mehmoni bo'ldi va “kichik” 9:0 hisobida g'alaba qozondi. Shu tariqa Parijliklar chempionat tugashiga 8 tur qolganida mamlakat chempionligini nishonlashdi. Bundan oldin Liga1 da hech qaysi jamoa shuncha tur oldin chempionlikni rasmiylashtira olmagan edi.
2. “Yuventus”dan rekord
Turinning “Yuventus” jamoasi Italiya chempionatining 28-turida “Sassuola” jamoasini 1:0 hisobida taslim etdi. “Keksa sinori” Italiya chempionatida gol o'tkazib yubormaslik borasida “Inter”ning rekordini yangiladi. “Yuve” “A” seriyada qatorasiga 10 ta o'yinda gol qo'yib yubormadi.  
3. “Barselona”dan rekord
Ispaniya chempionatining 27-turida “Rayo Valekano”dan ustun kelgan Kataloniyaning “Barselona” jamoasi mag'lubiyatsiz o'yinlari sonini 35 taga etkazib oldi va bu borada “Real” tomonidan o'rnatilgan rekordni yangiladi. Luis Enrike shogirdlari oxirgi marta 2015 yilning oktyabr oyida “Sevilya”ga mag'lub bo'lishgan edi.
Davomi Furqat Yusupov blogida.
— deya xabar beradi uff.uz nashri.