“Bunyodkor” va “Zob-Ahan” klublari Osiyo Chempionlar ligasi bahslari doirasida uchinchi bor ro'baro' kelishmoqda.
- “Bunyodkor” Osiyo Chempionlar ligasida ketma-ket to'qqizinchi bor guruh bosqichida ishtirok etmoqda. Eronning “Zob-Ahan” klubi esa umumiy hisobda guruh o'yinlarida to'rtinchi marotaba qatnashmoqda;
- “Bunyodkor” va “Zob-Ahan” jamoalari bungacha 2010 yilgi turnirning guruh bosqichida ro'baro' kelishgan. Har ikkala bahsda ham eronliklar g'alaba qozonishgan – 0:1, 0:3;
- “Bunyodkor” hozircha Eron klublari bilan 16 marotaba ro'baro' kelgan. Shularning 5tasida “qaldirg'ochlar, 6tasida eronliklar zafar quchishgan. Qolgan 4 uchrashuvda esa kuchlar teng kelgan. To'plar farqi, 20:19, “Bunyodkor” foydasiga;
- “Zob-Ahan” esa O'zbekiston klublari bilan to'rt marotaba kuch sinashgan. Isfaxonliklar shularning 3tasida g'alaba, bittasida mag'lubiyat qayd etishgan;
- “Bunyodkor” vakillari Eldor Shomurodov, Otabek Shukurov va Rustamjon Ashurmatov hisobida bittadan ogohlantirish bor. Agar ular yana bittadan sariq kartochka olishsa, keyingi uchrashuvni o'tkazib yuborishadi;
- Isfaxonliklarga dastlabki ikki turda umuman sariq kartochka ko'rsatilmagan;
- “Bunyodkor” ichki musobaqalardagi so'nggi ikki uchrashuvini g'alaba bilan yakunladi. “Neftchi” 2:0 va “So'g'diyona” 1:0 hisoblarida mag'lubiyatga uchratildi.
- “Zob-Ahan” esa Eron chempionatidagi so'nggi ikki uchrashuvida 4 ochko ishladi: mehmonda “Naft” klubi 1:0 hisobida mag'lubiyatga uchratildi, uyda “Saypa” bilan 1:1 hisobidagi durang qayl etildi.
Bugungi uchrashuvni Peter Grin boshchiligidagi avstraliyalik hakamlar guruhi boshqarib boradi.
Eslatib o'tamiz, “Bunyodkor” – “Zob-Ahan” uchrashuvi 16 mart kuni “Bunyodkor” stadionida soat 18:00da boshlanadi.
— deya xabar beradi uff.uz nashri.