Myunxenning «Bavariya» klubi hujumchisi Robert Levandovskining fikricha, bu yilgi Chempionlar ligasi mavsumida «Barselona»ning imkoniyati boshqalarnikidan ko'proq.
«Biz favorit hisoblanamizmi, yo'qmi, men buni bilmayman. Agar hamma futbolchilarimiz safda bo'lganida shunday degan bo'lardim. Biroq hozirda «Barselona» eng yaxshi holatda, va biz ulardan bu jabhada biroz orqadamiz. Shunday ekan, «Barselona» — Chempionlar ligasi g'olibligi uchun asosiy nomzod.
Ammo bu haqda uzil-kesil fikr bildirishga hali erta. Chunki ular bugungi o'yin darajasini mavsum oxiriga qadar saqlab qola oladimi, yo'qmi, shudir masala», — Levandovskining so'zlaridan iqtibos keltirmoqda, Goal nashri. 
— deya xabar beradi uff.uz nashri.