“Tottenxem” va “KPR” jamoalari sobiq ustozi Garri Rednapp futbol bo'yicha Iordaniya terma jamoasi murabbiylar shtabida ishlaydi. Bu haqda Iordaniya futbol federatsiyasi xabar bermoqda. Ma'lumotlarga ko'ra, u bilan birgalikda uning yordamchisi Kevin Bond ham ishlaydi. Angliyalik mutaxassislar Iordaniya termasining JCh–2018 turniriga saralash bashlaridan o'rin olgan uchrashuvlarda ya'ni, 24 mart kuni Bangladeshga, 29 mart kuni esa Avstraliyaga qarshi o'yinlarda ishlaydi. Iordaniya terma jamoasi Osiyo mintaqasidan ikkinchi saralash bosqichi “V” guruhidan joy olgan bo'lib, ayni damda 13 ochko bilan ikkinchi o'rinda bormoqda.   
— deya xabar beradi uff.uz nashri.