Evropa va Osiyoning bir nechta mamlakatlarida milliy chempionat o'yinlari ayni qizg'in pallaga kirib bormoqda. Biz xorijda to'p surayotgan O'zbekistonlik futbolchilar orasida ushbu mavsumni ajoyib tarzda o'tkazayotganlari reytingini tuzib chiqdik. Marhamat ular bilan tanishing.
7. Xusniddin G'ofurov
Serbiya chempionatida ishtirok etuvchi “Yavor” jamoasi sharafini himoya qilayotgan Xusniddin chempionat bahslarida 24 ta uchrashuvda maydonga tushdi. Ayni paytda Serbiya chempionatida 26 ta tur o'yinlari ortda qolganini inobatga oladigan bo'lsak, bu yaxshi natija albatta. Biroq G'ofurov haligacha o'z hisobiga gol yozdirib qo'ya olgani yo'q. Shu bois ham u reytingning 7-pog'onasidan o'rin oldi.
6. Lutfulla To'raev
Mavsum avvalida Malayziyaning “Felda Yunayted” jamoasiga yo'l olgan To'raev, xorij chempionatidagi debyut mavsumini omadli boshladi. U hozirga qadar chempionat o'yinlarida 5 marta maydonga tushib, ikki bora o'z nomini tabloga yozidirib qo'ydi. U Malayziyada o'ynayotgan eng ishonchli legionerimiz bo'lib turibdi. Vohid Shodiev va Dilshod Sharofutdinov hozircha o'zlarini u qadar ko'rsata olishmayapti.
5. Azizbek Xaydarov
BAA chempionatida “Al-Shabab”ning ishlari yurishmayotgan bo'lsa ham, Xaydarov o'z ishini uddalamoqda. U BAA pro-ligasida ortda qolgan 21 turning 18 tasida maydonga tushib, 2 ta golga mualliflik qildi. Shuningdek “sheryurak” yarim himoyachi bir marta o'z darvozasini aniq nishonga olib, jamoasining mag'lubiyatiga “ulush” qo'shganini ham ta'kidlab o'tish lozim. Lekin bu uning mavsumdagi yaxshi o'yinlariga soya sola olmaydi.
Davomi Furqat Yusupov blogida.
— deya xabar beradi uff.uz nashri.