Ushbu mavsumda Ispaniyada “Barselona”ning oldiga tushadigan raqib topilmayapti. Ayni paytda u eng yaqin ta'qibchisidan 8 ochkoga ilgarilab ketgan. Premeroda azbaroyi intriga yo'qligidan Kataloniya superklubi hamma sohada birinchi bo'lishga qasd qilgandek ko'rinmoqda. Jamoaning rekordlar bilan birgalikda antirekordlarni ham ketma-ket yangilayotganini boshqacha izohlay olmadim.
“Barsa” Ispaniya chempionatining 27-turida “Rayo Valekano”ni engib, mag'lubiyatsiz o'yinlari sonini 35 taga etkazib olgan hamda Madridning “Real” jamoasi tomonidan o'rnatilgan rekordni yangilagan edi.
Premperoning 28-turida Messi “Eybar” darvozasini ikki bor ishg'ol qildi va jamoasining 4:0 hisobidagi g'alabasiga munosib hissa qo'shdi. Shu tariqa Leonel ketma ket 8 mavsum davomida yigirmatadan gol ura olgan ilk futbolchiga aylandi.
Milliy birinchilikning 29-turida esa antirekord qayd etildi. “Xetafe”ga qarshi kechgan uchrashuvining 11-daqiqasida Lionel Messi penaltini golga aylantira olmadi. Bu argentinalik yulduzning ushbu mavsumda Ispaniya chempionatida ko'kka sovurgan sakkizinchi penaltisidir. Bungacha Samuel Eto’O ushbu ro'yxatda peshqadamlik qilayotgan edi.
Mazkur mavsumda “Barsa” futbolchilari 10 ta penaltidan gol urisha olmadi. Tag'in bu muvaffaqiyatsizliklar jahonning ayni paytdagi eng hujumkor triosiga tegishli bo'lib turganiga hayron qolmay ilojimiz yo'q. 2015–2016-yilgi mavsumda “Barcha”ning uchligi o'zlariga berilgan imkoniyatning yarminigina samarali yakunlagan. Messi va Neymar 8 martadan penalti tepib, mos ravishda to'rttadan gol urishgan bo'lsa, Luis Suares 4 marta o'n bir metrlik nuqtadan zarba berib, shundan ikkitasida ko'zlagan maqsadiga erishgan.
Tafsilot.uz sayti “Barselona”ning ushbu mavsumdagi golga aylanmagan barcha penaltilarini jamladi. Barchasi qanday ro'y berganini o'z ko'zingiz bilan ko'rishingiz mumkin.
Davomi Tafsilot.Uz blogida.
— deya xabar beradi uff.uz nashri.