"Barselona" himoyachisi Dani Alves kelajagi haqida fikr bildirarkan, ortiqcha kamtarlik qilmadi va jamoadan ketgudek bo'lsa, kataloniyaliklarga o'zi etishmasligini ta'kidlab o'tdi.
"Men "Barselona"dan ketishim haqida juda ko'p eshitganman va bunga qarshi immunitet ham hosil qilganman. Har doim men yoki boshqa futbolchilar borasida shunday gap so'zlar paydo bo'ladi. Bunday gaplar faqat Messi, Neymar va Suaresga tegishli emas.
Jurnalistlar transfer bozori haqida xabar berib turishlari kerak. Bu ham hayotimning bir qismiga aylanib bo'lgan, ko'nikib qoldim. Ko'p ishlashim va kam gapirishim kerak. Men "Basrelona"ga kerak ekanman, shu erda qolaman. Shu bilan birga yana aytishim mumkinki, agar "Barselona"dan ketsam, jamoaga men etishmay qolishim turgan gap", - deydi Alves.
— deya xabar beradi uff.uz nashri.