OChL “D” guruhi ikkinchi turida Qatarning “Al-Jaish” jamoasi o'z maydonida Qarshining “Nasaf” futbolchilarini qabul qilib, 1:0 hisobida zafar quchdi. O'yindan keyin tashkil etilgan matbuot anjumanining ikkinchi qismida “Al-Jaish” bosh murabbiyi Sabri Lyamushi qatnashdi. “Biz “Nasaf”ga qarshi bahsda g'alaba qozonishni maqsad qilgandik va o'yin oxirida bo'lsada, gol kiritib uch ochkoni o'z hisobimizga rasmiylashtirdik. “Nasaf” ham kuchli jamoa ekanligini shogirdlarimga ta'kidlagan edim. Shu bois yigitlar final hushtagi chalinguniga qadar g'alabaga ishonib harakat qilishdi va o'z maqsadlariga erishishdi. Guruhda birinchi davradan keyin 100 foizlik natijani qayd etish albatta yoqimli holat. Bu g'alabalar  bizga keyingi o'yinlarni ham shu ruhda davom ettirishmizga asos bo'lishiga shubha yo'q”, – deydi Sabri Lyamushi. 
— deya xabar beradi uff.uz nashri.