Tashkil etilganiga ko'p bo'lmagan O'zbekiston U-17 terma jamoasi Yaponiyadagi xalqaro o'rtoqlik turnirida ishtirok etmoqda. Ahmadjon Musaev bosh murabbiy etib tayinlangan 1999 yilda tavallud topgan futbolchilardan tarkib topgan terma jamoa SANIX xalqaro kubogi turniridagi isht irokini 17 mart kuni boshladi. Turnirda shuningdek, Yaponiya U-17, Janubiy Koreya U-17 hamda Pekin U-17 jamoalari ham ishtirok etmoqda. O'zbekiston U-17 dastlabki uchrashuvni Yaponiyaga qarshi o'tkazdi. Uchrashuv asosiy vaqti 0:0 hisobidagi durang natija qayd etildi. Musobaqa reglamentiga ko'ra duarng bilan yakunlangan asosiy vaqtdan so'ng, penaltilar seriyasi o'tkazildi. Unda yaproniyaliklar aniqroq harakat qilib, g'alabani qo'lga kiritdi — 5:3 Ushbu musobaqa reglamentiga ko'ra, o'yinning asosiy vaqtida g'alaba qozongan jamoaga 4 ochko, asosiy vaqtda mag'lub bo'lgan jamoaga 0 ochko, penaltilar seriyasi bo'yicha g'alaba qozongan jamoaga 2,5 ochko, penaltilar bo'yicha mag'lub bo'lgan jamoaga 1,5 ochko beriladi. SANIX xalqaro kubogi turniri Yaponiya U17 – O'zbekiston U17 0:0 (5:3) O'zbekiston U-17: 12. Umidjon Ergashev, 2. Burxon Usmonov, 3. Ilhomjon Alijonov, 5. Xudoyshukr Sattorov, 6. Dostonbek Berdiqulov, 7. Boburjon Asqarov, 8. Jahongir Ahmedov, 11. Jahongir Abdualomov, 15. Islom Kenjaboev, 16. Suxrob Izzatov, 19. Muhammad-Yusuf Abdumajidov Zaxira: 1. Akrom Xo'jaev, 4. Otabek Bekboev, 9. Kamron Saidazimov, 10. Zokirjon Ahmadjonov, 13. Abdullo Rahimjonov, 14. Jasur Rahimov, 17. Afzaljon Xolmuhamedov, 18. Doniyor Azizov, 21. Javohir Qilichev.
— deya xabar beradi uff.uz nashri.