"Arsenal" bosh murabbiyi Arsen Venger Evropa Chempionlar ligasi 1/8 finalida "Barselona"dan uchralgan mag'lubiyatdan keyin o'z fikrlarini bildirib o'tdi. "Biz so'nggi 6 yil davomida faqat Chempionlar ligasi g'oliblariga imkoniyatni boy beryapmiz. Faqatgina o'tgan mavsum "Monako"dan uchralgan mag'lubiyat bundan istisno. Asosan "Bavariya" va "Barselona" kabi jamoalar bizni musobaqadan chiqarib yuborishmoqda. "Barselona" futbolchilarining o'yinidan faqat zavqlanish mumkin. To'g'ri, biz ulardan aziyat chekdik. Lekin futbol muxlislari uchun bunday o'yinni tomosha qilish faqat va faqat zavq bag'ishlaydi. Messi 90 daqiqa davomida birtepar uslubda biror marta ham xatoga yo'l qo'ymadi. Ajoyib natija! Bu haqiqiy san'at!", - deydi Venger.
— deya xabar beradi uff.uz nashri.