Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
«Lokomotiv» va «Paxtakor» - 5 baho, «Bunyodkor» va «Nasaf» – 4 baho. Sharhlovchilarga alohida baho (Elmurod Ermatovdan muxlis fikrlari)
Yangi mavsum OChL o'yinlarining ham uch turi o'tib bo'ldi. Bizga qancha ehtirosli daqiqalarni hadya qilmadi, bu bahslar...
To'rt jamoamizning ikkitasi ko'nglimizni tog'dek ko'targan bo'lsa, yana biri durang, biri esa haqiqatda alamli mag'lubiyatga uchragani dilimizni ranjitdi. Nima ham derdik, buni – futbol deydilar.
Shuni ta'kidlash lozim, qit'a miqyosidagi bahslar futbolimizning asl saviyasini ko'rsatib beradigan ko'zgudek, go'yo.
E'tiboringizga, yurtimizning turli viloyat va shaharlarida istiqomat qiluvchi muxlislar tomonidan yuborilgan baholarga asoslanib qo'yilgan ballarni havola etamiz.
“Paxtakor” – 5 ball
Aslida, g'alaba qozonganlar tanqid qilinmaydilar. Biroq, poytaxt jamoasi o'yinini ko'rib shunga guvoh bo'ldikki, hali “sherlar” tarkib ustida ancha ish olib borishlari kerak ekan. “Traktorsozi” bilan o'yin asablarimizni ancha tarang holga keltirdi. Qimmatli uch ochko egasiga aylangan No'mon Hasanov shogirdlari bir-birlariga to'p uzatishda juda ko'p “brak”larga yo'l qo'ymoqda. Hujumni samarali yakunlashdagi mahorat esa maqtovga loyiq. Bitta vaziyat va gol. Masharipov va Sergeevda o'sishni kuzatdik.
“Lokomotiv” – plyus 5
Zo'r uchrashuv va dilga umid bag'ishlovchi natija. Omad degani kerak bo'lsa, shamol va yomg'irni ham yo'lga solar ekan. Temiryo'lchilar bu yil uzoqqa boradi-yov... Ularning o'yinida ma'no va mazmun bor. Marat Bikmaev – maestro, Sardor Mirzaev esa – yakunlovchi koda vazifasini o'tab berdi. Ko'z tegmasin, “Lokomotiv”da to'p uzatishdagi noaniqliklarning foizi juda kam. Mazmunli va ma'noli o'yin evaziga “Dovul jangi”da g'olib bo'lgan jamoamizdan hali umidimiz katta.
“Bunyodkor” – 4 ball
Sergey Lushan shogirdlariga - o'yin tashkil etish, tezkorlik, raqibni tinimsiz bosimda ushlab turish va ko'zga yoqadigan chiroyli o'yin ko'rsatish borasida e'tirozimiz yo'q. Biz Eron jamoasiga qarshi o'yinda haqiqiy Evropa uslubida to'p surgan “Bunyodkor”ni ko'rdik. Hammasi yaxshi, lekin tablo qurg'ur chiroyli o'yinga hisob yozmaydi... Ikkinchi bo'limda Shomurodov va Hamdamovlar yuz harakat qilishmasin gol urisha olmadi. Baho ham shunga yarasha.
“Nasaf” - 4 ball
Yuqoridagi fikrga yana qaytamiz. Uhh, Ro'ziqul akaning shogirdlariga gap yo'q! Tarkibida millioner o'yinchilari bo'lgan jamoani o'yin jihatdan yutib, natijada yutqazgan qarshiliklar, bu. Ularning ko'rsatgan o'yini uchun kerak bo'lsa +5 qo'ygan bo'lardik. Ming afsuski, NASAFNING DURANG DARAXTINI - O'ZIMIZDA YaSALGAN BOLTA KESDI. Shunaqasi ham bo'lar ekan... Bahrom Abdurahimov va Eldor Suyunov qo'yinki, barcha o'yinchilar Osiyodagi eng yuqori darajadagi futbol namoyish etdi. Mayli hali imkoniyat bor... Yurakka qo'limizni qo'yib aytamiz – “Nasaf” yutqazsa ham to'rt bahoga loyiq.
Sharhlovchi Dilshodbek To'xtabekovga – 4 ball
Sharhlovchi uchrashuv davomida tinglovchiga o'zbek tilining jozibasi, go'zalligi hamda badiiy yuksakligidan zavq olishiga yordam berishi lozim, bundan tashqari uning so'z boyligi kuchli bo'lishi, kerak bo'lsa o'yin davomida o'lchov bilan yumor ham ishlatib tursa qanday yaxshi. Dilshodbekning sharhlarida ovoz tonini to'p hali raqib maydoniga o'tmay turib ko'tarib yuborish hali ham uchrayapti.
Norbek Niyozov va Xasan Turdaliev – 4 ball
Bu juftlik o'yinni tekis sharhladi. Ijtimoiy tarmoqlarda ikkinchi golda ulardan birining - raqib tomonidan uzatilgan to'pni ofsayd edi, deb baholaganiga e'tirozlar bo'lgani, rost. Norbekda shirali ovoz bor, dunyoqarashi keng. Unda ehtiroslarga berilish yo'q. Menimcha, u asta-sekin “radioovoz”dan –“teleovoz”ga o'tadi, hali. Asosiysi, bu juftlik maydondagi voqelik bilan suratni yaxshi ushlab turdi.
Eldor Mustafoev – 4 ball
Bu safar Eldorbek o'ziga o'hshamadi. Uning o'zbekona yumorlariga ancha o'rganib qolgan edik. Mustafoev ancha tajribali va potentsiali kuchli mutaxassis. Faqat xavfli vaziyatlarda ovozini birdan ko'tarib yuboradi. Biroz kayfiyat bilan o'yin olib borsa yanada yaxshi bo'lishi aniq.
Murod Rizaev - 4 ball
Sharhlovchining bir vaqtni o'zida hammaga yoqishi – absurd holat. Masalan menga Murod akaning sharhi juda yoqdi. Elektron pochtamga xat yuborgan ishqibozlarning ham fikri shunday. Murod aka Evropa futbolidan farqli o'laroq, o'zbek futbolini yuqori saviyada sharhlaydi. Elmurod ERMATOV tayyorladi Yuzerlar:
Ergash Samig'jonov(“SER”), Toshkent. Bahromjon Isoqov(“BAHROM88”), Farg'ona. Rahmatillo Xamzaev(“OPEL”), Toshkent. Hayotillo Temirov (“UEFACOM”).
— deya xabar beradi uff.uz nashri.
To'rt jamoamizning ikkitasi ko'nglimizni tog'dek ko'targan bo'lsa, yana biri durang, biri esa haqiqatda alamli mag'lubiyatga uchragani dilimizni ranjitdi. Nima ham derdik, buni – futbol deydilar.
Shuni ta'kidlash lozim, qit'a miqyosidagi bahslar futbolimizning asl saviyasini ko'rsatib beradigan ko'zgudek, go'yo.
E'tiboringizga, yurtimizning turli viloyat va shaharlarida istiqomat qiluvchi muxlislar tomonidan yuborilgan baholarga asoslanib qo'yilgan ballarni havola etamiz.
“Paxtakor” – 5 ball
Aslida, g'alaba qozonganlar tanqid qilinmaydilar. Biroq, poytaxt jamoasi o'yinini ko'rib shunga guvoh bo'ldikki, hali “sherlar” tarkib ustida ancha ish olib borishlari kerak ekan. “Traktorsozi” bilan o'yin asablarimizni ancha tarang holga keltirdi. Qimmatli uch ochko egasiga aylangan No'mon Hasanov shogirdlari bir-birlariga to'p uzatishda juda ko'p “brak”larga yo'l qo'ymoqda. Hujumni samarali yakunlashdagi mahorat esa maqtovga loyiq. Bitta vaziyat va gol. Masharipov va Sergeevda o'sishni kuzatdik.
“Lokomotiv” – plyus 5
Zo'r uchrashuv va dilga umid bag'ishlovchi natija. Omad degani kerak bo'lsa, shamol va yomg'irni ham yo'lga solar ekan. Temiryo'lchilar bu yil uzoqqa boradi-yov... Ularning o'yinida ma'no va mazmun bor. Marat Bikmaev – maestro, Sardor Mirzaev esa – yakunlovchi koda vazifasini o'tab berdi. Ko'z tegmasin, “Lokomotiv”da to'p uzatishdagi noaniqliklarning foizi juda kam. Mazmunli va ma'noli o'yin evaziga “Dovul jangi”da g'olib bo'lgan jamoamizdan hali umidimiz katta.
“Bunyodkor” – 4 ball
Sergey Lushan shogirdlariga - o'yin tashkil etish, tezkorlik, raqibni tinimsiz bosimda ushlab turish va ko'zga yoqadigan chiroyli o'yin ko'rsatish borasida e'tirozimiz yo'q. Biz Eron jamoasiga qarshi o'yinda haqiqiy Evropa uslubida to'p surgan “Bunyodkor”ni ko'rdik. Hammasi yaxshi, lekin tablo qurg'ur chiroyli o'yinga hisob yozmaydi... Ikkinchi bo'limda Shomurodov va Hamdamovlar yuz harakat qilishmasin gol urisha olmadi. Baho ham shunga yarasha.
“Nasaf” - 4 ball
Yuqoridagi fikrga yana qaytamiz. Uhh, Ro'ziqul akaning shogirdlariga gap yo'q! Tarkibida millioner o'yinchilari bo'lgan jamoani o'yin jihatdan yutib, natijada yutqazgan qarshiliklar, bu. Ularning ko'rsatgan o'yini uchun kerak bo'lsa +5 qo'ygan bo'lardik. Ming afsuski, NASAFNING DURANG DARAXTINI - O'ZIMIZDA YaSALGAN BOLTA KESDI. Shunaqasi ham bo'lar ekan... Bahrom Abdurahimov va Eldor Suyunov qo'yinki, barcha o'yinchilar Osiyodagi eng yuqori darajadagi futbol namoyish etdi. Mayli hali imkoniyat bor... Yurakka qo'limizni qo'yib aytamiz – “Nasaf” yutqazsa ham to'rt bahoga loyiq.
Sharhlovchi Dilshodbek To'xtabekovga – 4 ball
Sharhlovchi uchrashuv davomida tinglovchiga o'zbek tilining jozibasi, go'zalligi hamda badiiy yuksakligidan zavq olishiga yordam berishi lozim, bundan tashqari uning so'z boyligi kuchli bo'lishi, kerak bo'lsa o'yin davomida o'lchov bilan yumor ham ishlatib tursa qanday yaxshi. Dilshodbekning sharhlarida ovoz tonini to'p hali raqib maydoniga o'tmay turib ko'tarib yuborish hali ham uchrayapti.
Norbek Niyozov va Xasan Turdaliev – 4 ball
Bu juftlik o'yinni tekis sharhladi. Ijtimoiy tarmoqlarda ikkinchi golda ulardan birining - raqib tomonidan uzatilgan to'pni ofsayd edi, deb baholaganiga e'tirozlar bo'lgani, rost. Norbekda shirali ovoz bor, dunyoqarashi keng. Unda ehtiroslarga berilish yo'q. Menimcha, u asta-sekin “radioovoz”dan –“teleovoz”ga o'tadi, hali. Asosiysi, bu juftlik maydondagi voqelik bilan suratni yaxshi ushlab turdi.
Eldor Mustafoev – 4 ball
Bu safar Eldorbek o'ziga o'hshamadi. Uning o'zbekona yumorlariga ancha o'rganib qolgan edik. Mustafoev ancha tajribali va potentsiali kuchli mutaxassis. Faqat xavfli vaziyatlarda ovozini birdan ko'tarib yuboradi. Biroz kayfiyat bilan o'yin olib borsa yanada yaxshi bo'lishi aniq.
Murod Rizaev - 4 ball
Sharhlovchining bir vaqtni o'zida hammaga yoqishi – absurd holat. Masalan menga Murod akaning sharhi juda yoqdi. Elektron pochtamga xat yuborgan ishqibozlarning ham fikri shunday. Murod aka Evropa futbolidan farqli o'laroq, o'zbek futbolini yuqori saviyada sharhlaydi. Elmurod ERMATOV tayyorladi Yuzerlar:
Ergash Samig'jonov(“SER”), Toshkent. Bahromjon Isoqov(“BAHROM88”), Farg'ona. Rahmatillo Xamzaev(“OPEL”), Toshkent. Hayotillo Temirov (“UEFACOM”).
— deya xabar beradi uff.uz nashri.
Bosh sahifaga
517