“Manchester Siti”ni Chempionlar ligasiga olib chiqish uchun BAA shayxlariga 8 yil va yana 1 mlrd. evrodan ko'proq mablag' kerak bo'ldi. Bu davrimiz futbolidagi eng qimmat loyiha.
2008 yil. Yozning oxirgi kunida BAAning bir guruh sarmoyadorlari “Manchester Siti”ning to'liq aktsiyalar paketini qo'lga kiritishgan edi. O'shandan buyon Manchesterning yarmi uchun yangi davr boshlandi — klub pul daryosida suza boshladi. Bu esa “shaharliklar”ni APLning o'rtamiyona klubidan ingliz futboli etakchilaridan biriga aylantirdi.
Shunga qaramay, ichki chempionatda muvaffaqiyatga erishgan “ManSiti” Chempionlar ligasining chorak finalidan nariga o'tolmayotgan edi. Va nihoyat, 2016 yilining 15 martida o'z tarixida birinchi marta chorak finalga chiqishni uddalay oldi.
Keling, arab shayxlari “ManSiti”ga ega chiqqanlaridan buyon top-klubning mana shu kamtarona natijasiga erishguniga qadar qancha pul sarflaganini xomcho't qilib ko'raylik.
2008—2009-yilgi mavsum. Muhim xaridlar:
Robino (“Real”) — € 43 mln.
Jo (“TsSKA”) — € 24 mln.
Nayjel de Yong (“Gamburg”) — 18 mln.
Kreyg Bellami (“Vest Xem”) — € 15,5 mln.
Ueyn Brij (“Chelsi”) — € 13,5 mln.
Shon Rayt-Fillips (“Chelsi”) — € 11,25 mln.
Pablo Sabaleta (“Espanol”) — € 8,7 mln.
Vensan Kompani (“Gamburg”) — € 8,5 mln.
Jami: € 157,4 mln.
Evropa ligasi: guruhda 1-o'rin, 1/16 final – “Kopengagen” (2:2, 2:1), “Olborg” (2:0, 0:2; penaltilar seriyasida 4:3 hisobida g'alaba qozonadi), “Gamburg” (1:3, 2:1)
2008 yilning bahorida mavsumning so'nggi o'yinida  Manchester Siti  “Midlsbro”dan 1:8 hisobida mag'lubiyatga uchradi. Ammo halol o'yin mukofotini yutgani uchun UEFA Kubogi saralash bosqichida o'ynash huquqiga ega bo'ldi. Jamoa muxlislari evrokubokda uzoqroqqa borishni orzu qilishgan bo'lsa-da, mankunianliklarning so'nggi mavsumda bo'lgani kabi nursiz o'yinlari bunga imkon bermadi. Hatto Manchester yulduzi bo'lish istagida jamoa safiga qo'shilgan Robino ham  borligi ham “Siti”ga aytarli yordam berolmadi.
Mark Xyuz boshqargan  Manchester Siti ga UEFA kubogida omad kulmadi — jamoa chorak finalda “Gamburg”ga mag'lub bo'ldi. Biroq mavsum davomida “Siti” ochildi. Chap qanotda Ueyn Brij, o'ng qanotda Pablo Sabaleta, markaziy himoyada esa bugun ba'zilar haykalini qo'yishni taklif qilayotgan Vensan Kompani ajoyib o'yin namoyish etishdi. Garchi transferlari uchun ketgan pulni oqlaydigan darajada bo'lmasa ham tayanch hududda Nayjel de Yong, Robinolar yaxshi harakat qilishdi.
2009—2010-yilgi mavsum. Muhim xaridlar:
Emmanuel Adebayor (“Arsenal”) — € 28 mln.
Karlos Teves (“Vest Hem”) — € 28 mln.
Joleon Leskott (“Everton”) — € 27,5 mln.
Roke Santa Krus (“Blekbern”) — € 21,2 mln.
Kolo Ture (“Arsenal”) — € 18,7 mln.
Garet Barri (“Aston Villa”) — € 13,9 mln.
Jami:€ 147,3 mln.
Evrokuboklar: ishtirok etishmadi.
2010 yilining bahorida “Manchester Siti” Chempionlar Ligasiga chiqish uchun kurashga kirishdi. Afsuski, urinishlar besamar ketdi. Angliyaga berilgan to'rtinchi yo'llanma “Tottenxem”ga nasib qildi. Mankunianliklar
Shunday bo'lsa-da, mavsum davomida “Siti” yorqin o'yinlari bilan o'zining ambitsiyalarini namoyish eta oldi (masalan, “MYu” (3:4), “Arsenal” (4:2) ustidan qozonilgan ishonchli g'alabalar).
Eski qahramonlar – Robino, Bellami o'zlarini ko'rsatishdi. Ular safini Adebayor va  Teves to'ldirishdi.
2010—2011–yilgi mavsum. Muhim xaridlar:
Edin Jeko (“Volfsburg”) — € 37 mln.
Yaya Ture (“Barselona”) — € 30 mln.
Mario Balotelli (“Inter”) — € 29,5 mln.
David Silva (“Valensiya”) — € 28,75 mln.
Aleksandar Kolarov (“Latsio”) — € 22,7 mln.
Jeyms Milner (“Aston Villa”) — € 22 mln.
Jerom Boateng (“Gamburg”) — € 12,5 mln.
Jami:€ 182,5 mln.
Evropa ligasi: guruhda 1-o'rin, 1/16 final – “Aris” (Gretsiya) (0:0, 3:0), 1/8 final – “Dinamo” Kiev (Ukraina) (0:2, 1:0).
“Siti”ning transfer siyosatini boshqarish imkoniga ega bo'lgan Roberto Manchini “shaharliklar” ishonchini oqladi – jamoa APLda “MYu” hamda “Chelsidan keyin” uchinchi o'rinni egallab, Chempionlar ligasi yo'llanmasiga sazovor bo'lishdi. So'nggi turda “Arsenal”ni mag'lub etib, milliy chempionatda uchinchi o'rinni egallagani uchun jamoa Chempionlar ligasidagi ishtirokini to'g'ridan-to'g'ri guruh bosqichidan boshlashdi. O'sha paytlardayoq hozirgi jamoaning qiyofasi shakllantira boshlangan, Xartu, Kompani i Sabaletelar safiga Kolarov, David Silva va Yahyo Turelar ham qo'shilgan edi.
Evropa Ligasida “Siti” unchalik yorqin o'yin ko'rsatolmadi. “Shaharliklar”  Yuventus dan ildamlab ketib, guruhdan munosib tarzda chiqishga musharraf bo'lishdi, biroq turnirning 1/16 bosqichida Kievning “Dinamo”siga yutqazib qo'ydi.
2011—2012-yilgi mavsum.Muhim xaridlar:
Serxio Aguero (“Atletiko”) — € 45 mln.
Samir Nasri (“Arsenal”) — € 27,5 mln.
Stefan Savich (“Partizan”) — € 12 mln.
Jami:€ 96 mln.
Chempionlar ligasi: guruhda 3-o'rin, 10 ochko (”Bavariya” va “Napoli”dan keyin)
Evropa ligasi: “Portu” (2:1, 4:0), “Sporting” (0:1, 3:2).
“Manchester Siti”ning Chempionalar ligasidagi debyuti omadsiz kechdi — “o'lim guruhi”dagi uchinchi o'rin bilan uchib ketdi. Adolat yuzasidan aytadigan bo'lsak, uning raqiblari kuchli edi. Masalan, ushbu kvartetda birinchi o'rinni egallagan “Bavariya” finalgacha etib borgan edi. “Napoli” esa qo'shimcha vaqtda bo'lajak chempion “Chelsi”ga chorak final yo'llanmasini boy berdi.
APLda esa hammasi ko'ngidagiday kechdi. “Siti” z8-turda o'yinga qo'shib berilgan daqiqaqalarda “Kuinz Park Reyndjers”ni mag'lub etib Premer-liga g'olibiga aylandi.
2012—2013-yilgi mavsum. Muhim xaridlar:
Xavi Garsiya (“Benfika”) — € 20,2 mln.
Matya Nastasich (“Fiorentina”) — € 15,2 mln.
Jek Roduell (“Everton”) — € 15 mln.
Jami:€ 61,95 mln.
Chempionlar ligasi: guruhda 4-o'rin, 4 ochka (“Borussiya” (Dortmundt), “Real” (Madrid) va “Ayaks”dan keyin).
Davomi Tafsilot.Uz blogida.
— deya xabar beradi uff.uz nashri.