Evropa ligasining nimchorak finalidan o'rin olgan “Manchester Yunayted“ hamda “Liverpul“ klublari o'rtasidagi javob uchrashuvi o'z nihoyasiga etdi. Unda jamoalar murosa ko'chasini tanlashdi. Anchagina qiziqarli tarzda kechgan bahsda dastlab o'yinning 32-daqiqasida Antoni Marsyal 11 metrlik nuqtadan o'z imkoniyatini qo'ldan boy bermadi va hisobni ochdi – 1:0. Oradan 13 daqiqa o'tgach Filippe Koutino Emre Janning uzatmasidan so'ng De Xea darvozasiga javob golini kiritishga muvaffaq bo'ldi. Ikkinchi bo'limda Minolening ishi ancha kam bo'ldi. De Xea esa peshona teri bilan “MYu“ uchun durangni saqlab qolishga harakat qildi. Yakunda ham shunday bo'ldi. Final hushtagiga qadar muxlislar boshqa gol ko'rishmadi. Shu tariqa, “Manchester Yunayted” “Old trafford”da “Liverpul” bilan durang qayd etdi va ushbu natija Klopp shogirdlarini Evropa ligasining chorak finaliga olib chiqdi. Evropa ligasi. Nimchorak final
Javob uchrashuvi Manchester Yunayted Angliya – Liverpul Angliya 1:1 (1:1, 0:0)
Gollar: 1:0 – 32, penalti Marsyal, 1:1 – 45 Koutino.
Manchester Yunayted – De Xea, Smolling, Roxo (Darmian, 62), Varela (Valensiya, 46), Blind, Lingard, Fellayni, Kerrik (Shvaynshtayger, 70), Mata, Marsyal, Reshford.
Liverpul – Minole, Sako, Lovren, Klayn, Milner, Koutino, Jan, Lallana, Xenderson (Allen, 71), Firmino (Benteke, 85), Starrij (Oriji, 68).
Ogohlantirishlar: Blind (33), Koutino (42), Fellayni (50), Klayn (51), Shvaynshtayger (80), Firmino (83).
Dastlabki uchrashuv: 0:2
— deya xabar beradi uff.uz nashri.