Ektor Belerin va Neymar
Toshkent vaqti bilan 16 martdan 17 martga o'tar kechasi Kataloniyadagi “Kamp Nou” o'yingohida “Barselona” hamda “Arsenal” klublari o'rtasida Evropa Chempionlari ligasi nimchorak finalining javob o'yini bo'lib o'tdi. Ispaniyaliklar dastlabki uchrashuvda safarda 2:0 hisobida g'alaba qozonishgan edi. Ingliz klubi keyingi bosqichga chiqishi raqib darvozasiga kamida uchta gol urishi va o'z darvozasi daxlsizligini saqlab qolishi kerak edi.
Biroq bunday bo'lmadi. “Barselona” javob uchrashuvida ham “Arsenal”ni engdi. Bu safar 3:1 hisobi qayd etildi. Gollar Neymar (18-daqiqa), El-Nenni (51-daqiqa), Suares (65-daqiqa) va Messi (88-daqiqa) hisobiga yozildi.
O'yindan keyin ommaviy axborot vositalarida “Arsenal”ning qatorasiga 6 marta EChL nimchorak finalidan o'ta olmayotgani haqida ma'lumot tarqaldi. London klubi o'tgan mavsumda ham musobaqani aynan 1/8 finalda tark etgan edi. “Arsenal”ning muvaffaqiyatsiz seriyasi 2011 yilda aynan “Barselona”ga qarshi kechgan bahsda boshlangan bo'lib, shundan buyon kanonirlar bir marta “Milan” va ikki marta “Bavariya”dan mag'lub bo'lgan. O'tgan yili esa “Monako” to'sig'idan o'ta olmagan.
Tafsilot.uz ushbu uchrashuvning eng esda qolarli lahzalari muhrlangan fotoreportajni e'tiboringizga havola qiladi. Marhamat!
Davomi Tafsilot.Uz blogida.
— deya xabar beradi uff.uz nashri.