Qo'shni Qozog'iston Premer-Ligasida yangi mavsum start olganiga hali ko'p bo'lmadi. QPL 1-tur uchrashuvlari doirasida kechgan “Ordabasi” – “Aktobe” qarama-qarshiligida Aleksandr Geynrix o'ynayotgan jamoa g'alaba qozondi. “Aktobe” tarkibida kiritilgan yagona golga esa yana bir hamyurtimiz Bobir Davlatov mualliflik qildi.
O'sha uchrashuvda “Aktobe” tarkibida debyut o'yinini o'tkazgan o'zbekistonlik yosh yarim himoyachi bilan yangi jamoasidagi faoliyati xususida suhbatlashdik.
- Bobir, yangi mavsumni "Aktobe"da boshlashingizga nima sabab bo'ldi? Ko'pchilik sizni bu yil "Rubin" asosiy tarkibidan joy olish uchun kurashishingizni kutgandi…
- O'tgan mavsumda “Jetisu” safida to'p surdim. Endi yana bir qozoq jamoasi – “Aktobe” tarkibida harakat qilyapman. Ushbu jamoaga kelib qo'shilishimga ayni paytdagi bosh murabbiy sababchi bo'ldi. Boisi u ilgari “Rubin”ning yoshlar tarkibi bilan ishlagandi. U imkoniyatlarimni juda yaxshi bilgani sabab ham meni “Aktobe”ga taklif etdi. Tomonlar kelishgach, men ushbu klub safiga kelib qo'shildim.
-  “Aktobe” safidagi ilk rasmiy o'yinda gol kiritishga muvaffaq bo'ldingiz…
- Ha, “Ordabasi”ga qarshi kechgan uchrashuvda raqib darvozasini ishg'ol etdim. Lekin yakunda jamoamiz mag'lubiyatga uchradi. Sen gol ursang-u jamoang g'alaba qozonmasa, kiritilgan gol kishiga unchalik ham xursandchilik ulashmas ekan. Shu sababli ham o'sha golimdan ortiqcha quvonmadim.
Davomi Sports.Uz blogida.
— deya xabar beradi uff.uz nashri.